१. ओ भाई, ब्लग किन अपडेट नगरेको?
उत्तर: समयको बेफुर्सितिले !
२. गफ किन चुटेको ?
उत्तर: ल, ल बितृष्णा लगेर|
३. के कुराको ?
उत्तर: नेपाली राजनीतिको |
४. खेलकुदको बारेमा लेख न त !
उत्तर: बंगलादेशमा जन्ती गएर, एक आपसमा मुका हानाहान गरे , नेपालमै बोतल र ढुंगा हानाहान गरे लेखन अटेको मन लागेन |
५. तेसो भए के गर्छौ त , यो बितृष्णा हटाउन?
उत्तर: खोई थाछैन |
६. जुक्ति दिऊ ?
उत्तर: अबस्य |
७. समस्या देखाउनु भन्दा पनि , समस्याको समाधान प्रति ध्यान देउ, हुन्न र ?
उत्तर: कुरा ठिक हो |
८. देशलाई के को कमी छ , के कसरी कुरो मिलौना सकिन्छ लेखन |
उत्तर: सहि विचार |
९. देश, जनतालाई टुक्राई, लडाई, डर त्रास देखाई हैकम गर्न खोज्नेको भण्डाफोर गर |
उत्तर: सकिन्छ र ?
१०. गर्न नसक्ने कुरै के छ र ?
उत्तर: हो , एउटा सुन्दर विकाशील अनि शान्त नेपालको परिकल्पना गर्दै एक दुइ हरफ कोर्छु |

यदी, हामी क्रियाशील भयेनौ भने, बैरीले सजिलै बाजी मर्छ | हामी जीवनको जुनै पाटोमा छरिएर बसेपनि , जुनै मोर्चामा अग्रशील भए पनि, हरेस खानु हुन्न !! आ-आफ्नो तवरले अग्रशील हुनु पर्छ, २० को १९ भए पनि त्यो प्रगतिको बाटो हो | समय चक्रले कसलाई पर्खदैना, कसैले रोक्न सक्दैन तेसैले हामीले हामी संग भएको बिचारलाई अरुको माझ लेराउनु पर्छ, "मैले गरेर के नै हुन्छ ?" भनेर सोच्यो भने, बिकासको घडीलाई कसरी अगी बढाउने ?

नया सोचलाई प्रोत्साहन गरौ , किन भने संसारमा भएका नया नया अन्वेसन, अनुसन्धान, आविस्कार त्यो नया सोचैले नै भएको हो, तेसैले आफु भित्रको त्यो ज्योतिलाई कहिले निभ्न नदिनुस् | देशको बारेमा सोच्नुस , कसरी तपाई आफ्नो देश अनि संसारको प्रगतिमा लग्न सक्नुहुन्छ सोच्नुस अनि त्यो बाटोमा लाग्नुस् |सोच्नुनै पहिलो बाटो हो , त्यो प्रगतिशील बाटो हो!

"नेताहरु सबै चोर हुन् ", "सबै घुस्या छन् नेपाल सरकारमा " आदि इत्यादी कुरालाई अर्को दृष्टिकोण बाट हेर्नुस | तपाई के गरेर , सानो भन्दा सानो कुरामा परिवर्तन लेरौन सक्नुहन्छ त्यो हेर्नुस | हो म नेपालको घुसखोरी बन्द गर्न सक्दिन, चोर नेतालाई कारबाई गर्न सक्दिन| गर्न सक्छु त, राम्रो नेताहरु कसरी उत्पादन गर्न सकिन्छ , के कारणले गुस तन्त्र छायो नेपालमा अनि कसरी येस्लाई निउनिकरण गर्न सकिन्छ भनेर आफ्नो विचार राख्न सक्छु !!

२० बाट १९.९९ मा लेराउने प्रयास हो यो मेरो....तपाईहरु सबैको साथ पाए २० बाट १९ मा झारुला नि हुन्न र?

आज फेरी बन्द, कसको के, के को लागि पतै पईन | तर आफुलाई एकदम टेन्सन पर्यो 'मेरिज' (तासको खेल के ) को खाल चाही रमाइलो सरको घरमा, तेत्रो टाडा कसरी जाऊ? ओहो बुढानिलकण्ठबाट कलंकी सम्म कसरी जाने बा ? आपत पर्यो मलाई ! छोरोको साइकलमा जानु पर्ला भनेर सोचे, तर १० बर्षे छोरोको फुचे साइकलले मेरो बोसे जिऊ के धान्ला र होइन र ?

अब मेरिजको खाल छोड्ने पनि कुरा आएन, तेसैले जे पर्ला पर्ला भन्दै छोरोको साइकलमा बोसे भुडी हलौदै हिडे म त | जसो तेसो स्या-स्या गर्दै महाराजगंज चोक पुगे, तेह त ओह हो, "तरुनो लिगका" भारा भुरीले रोके | कता हिडेको ? आज बन्द किन हिडेको?, ओर्ली ओर्ली नत्र दन्कैदिम ? मैले पनि आफु भित्र भाको ४०% कमरेडी पन निकाले (अब ४०% वोट पाको नि त हाम्रो नया नेपालमा) | तेही तल सभामा , कमरेडको भासण सुन्न भन्दै निच्च बतीस देखाए | ए हाम्रै पार्टीको मान्छे रैछ जान दे भने सहमति भो , तेही बेला अर्को उपबुज्रुको प्रश्न आयो, अनि ID खै हेरुम ? ये त्यो त घरमै छुट्यो ! त्येसो भए गएर लेरौनुस, होइन भाई आज जान देउन हो भनेर प्रतिउत्तर गरे ?

कामरेड भनेको माने ल , नत्र ..... (यो सुने बितिकै मेरो सातो पुत्लो उड्यो , अनि लुरु लुरु हावा फुस्केको साइकल डोरौदै घर तिर लागे)

मलाई यो "कामरेड भनेको माने ल , नत्र....." भने सुन्योकि थर थर हुन्छ | अब जन-युध सुरुहुनु अगाडी के भन्थे कामरेड हामीलाई "संविदान सभाको निर्वाचन" चाहियो नत्र ... पछि " देश गढ़तान्त्रिक हुनु पर्यो " नत्र... अनि अहिले हेर्नुस त त्यो बेला "नत्र" भनेको मानेको भए हजारौ नेपाली मारिनु पर्थ्यो र ? लाखौ बिस्थापित हुनु पर्थ्यो र?

अब यो सबै हुदा हुदै पनि कामरेडहरुको हावा कसले फुस्काए भन्दा "सैनिक भाईहरुले", कामरेड PM ले भन्नुभो "यो नगर, त्यो नगर " | नत्र कि सत्र, सर्वचको आदेश त कुतन्त्र तपाइको नत्र न सत्र , फुतंत्र भन्दै कामरेडहरुको हावा फुस्कौनु भो| (नेपत्यमा लाजिम्पाट दरबारको घन्टी बजी रहेको हुन्छ)

अहिले फेरी नत्र तन्त्र चल्न थालेको छ |

हाम्रो माग पुरा गर नत्र भन्दा भन्दा , नत्र भाग १ , भाग २ अनि भाग ३ पनि सकी सक्यो अब नत्र भाग ४को पर्खाईमा छौ हामी |

हुदा हुदा हाम्रो "माकुनेले" पनि जन्मेको नाल देखिको शक्ति निकाली भन्छ " कामरेड भनेको माने ल, नत्र...."

नत्र के ?

श्री-लंकाको LTTE जस्तो हविगत बनाई दिउला!! ओह हो क्या बोले बा, सबैको रौनै थर थर भयो| माकुने तिमीलाई थाह छ , श्रीलंकामा के के भाको थियो ? कति मान्छे मरे ? देशको हालत अहिले कस्तो छ थाह छ ?? एउटा सचा देशभक्त नेपालीले एस्तो कुरा कहिले सोच्न सक्दैन , मलाई लाग्छ तिमीमा एक थोपा पनि नेपाली अनि नेपालको माया छैन| तिमीलाई माया छ त, सिर्फ आफ्नो कुर्सिको | माया गर्थौ भने नेपाललाई तेस्तो भयेंकर दुर्घटनामा पुराउने सोच्दापनि सोच्दैन थियो होला|

ओ, दानव रुपी नापुंग्सकहरु हो , कति नेपाली जनतालाई एक अर्कामा लडाई आफ्नो स्वार्थ पूर्ति गर्छौ ? कति बेला सम्म हामी नेपालीलाई भ्रममा पर्छौ? तिमीहरु सबैलाई नचिनेको हो र? आजै यो "बिद्रोह गर्छु" अनि "सबैलाई सखाप पर्छु" भनेर तिमीहरु फेरी नेपाल आमालाई किन रूहौन चाहन्छौ?? एउटा युगलाई त तहस नहस गरौ अब अर्को युग त नाबिगार!!

यो मेरो नेपालका सबै राजनीति नेताहरु, सैनिक भाई-भारदारहरु, कर्मचारीहरु, अभिनेताहरु अनि सारा नेपाली जनतामा अपील छ| (बैदेशिक हस्तक्षेप कम गर्न, आफु मिल्नु पर्यो नि, होइन र ? कुर्सि अनि परिवारबादलाई भुलौन हुन्न? सैनिकभाईहरु पनि हातहतियार रुपी ललिपपमा भुलिनु भएननि कसो ? कर्मचारीहरु पनि बक्सिसको पछि दौडिन भएन, होइन र?)

"अब त देश बनौ, संसार कहाँ बाट कहाँ पुगी सक्यो, हामी भने घडीको सुइ उल्टो घुमेको जसतै उल्टै घुमी रहेका छौ" हामीले गर्न नसक्ने त होइन नि? तर कृपया "देश बनाउन" आफ्नो सानो तिनो स्वार्थलाई छोड्न मिल्दैन र ?? "

ओहो, हिड्दा-हिड्दा मैले त घर पुगेको पतै पाएन, मेरो एक किलो बोसो नै पग्लेको जस्तो भो | एक दम थाकियो, मेरिज सेरिज़ भास्भुस भो, कस्तो नरमाइलो हो भन्दै बेला न कुबेला म रामदेव बाबाको योगा गर्न लागे!! (लामो सास लिनु शश्..............................)